Informator: Antoni Respondek – urodził się w 1948 roku w Łagiewnikach. Po studiach na politechnice powrócił do rodzinnej miejscowości i pracował w hucie. Ma wykształcenie wyższe techniczne.

O święcie hutników

 

No, to do dzisiaj świyntujemy Floriana czyli patróna... to un to jest patron wiyncyj zawodów, miendzy innymi strażaków, ale i hutników, to jes patrón tych, kerzy, majom do czynienia z ^łogniem abo ze płynnym metalem, no ji to prawie wypado czwartego maja i choć teraz już robia we prywatnyj firmie, ale ze starej firmy, czyli ze Huty Bobrek kamraty sie spotykajum i sie robimy prywatne świynto.

Kejś to sie spotykali jubilaci razem ze swojimi kobietami, nojczyⁿścij w hucie, w takim miescu zbornym i szli z orkiestrum do kościoła na mszu . Górnicy na przykład to już robiom pobudka o szósty rano tak budzom do roboty, to już ^łorkiestra idzie i cało dzielnico stawia na nogi, żeby każdy do kościoła zdążył, nu. I tag jag i górniki do swojej patrónki do śwjentyj Barbary, tag my chodzili do uczczynio tego świynta do kościoła na mszo, no po mszy to było z kolei taki przemarsz nojczyⁿściej do domu kultury abo do takygo wienkszego pomieszczenio, kaj sie mogli porozprawiać, jakieś piwko wypić, potym buł taki lepszy ^łobiod śluⁿski, z tum przysłowiowum roladom, kluskami, modro kapusto^ł, potem niekiery orkiestranty z orkiestry dyntej, co tyż jeszcze grali rozrywkowo, to w formie jakigoś bigbendu przygrywali do niskorego wieczora, wszyscy tańcowali i była kupa uciechy, no nijedyn słaby ciyⁿżko mu było do dom trefić, to dobrze, że mioł swoja kole siebie, to ona go tam zaprowadziła, zakludziła do dom.