Mapa serwisu | Tekst 3

Tekst gwarowy — Halemba 3

Monika Kresa   
Informator: Henia Figler, ur. w 1944 w Wirku; pochodzenia rodziców: górnik, gospodyni domowa, współmałżonek z Rudy Śląskiej, górnik; wykształcenie zawodowe, sprzedawczyni.

Nagranie: Zapis i opracowanie: Monika Kresa. Weryfikacja: Halina Karaś.

 

Obiad


Informacja: jeśli nie możesz odsłuchać nagrania, skorzystaj ze wsparcia znajdującego się na stronie Adobe)



Może dzisiaj
zaprosza wos, moi kochani, na mój
łobiod niedzielny, a wiycie: u nos w doma to musi być tak: zupa z
nudlami, i to
dobro zupa, wiycie na miejsie, trzeba tam dać dużo, jarzyny abo
gemizy, jakbyście tak, bo tak my godomy gemiza, żebyście zrozumieli, to jo wom
godóm, jarzina, a do gemizy to sie zaliczo wszystko: marchew, pietruszka, kalafior,
blukul i seler, co tam byście
ino nie chcieli, no
jag j
uwarzicie tyn rosół, abo inaczeyj ta zupa to je czysto, możecie dać tyż jeszcze troszycka czosku do niej, wiycie, abo ino zoumbek, żeby to tak było fajnie, potem możecie jeszcze zrobić, pomagować, a maga wiycie, co to je, nie? No! Potym warzymy łodzielnie nudle, a nudle to robimy tak:
mułka, mułka, jajko, no i wyrobiosz to w misce, potym jag już to wyrobisz ciasto
je gładkie, to weźniesz taki wołek,
nudlkula, my godomy na to nudlkula, i weźniesz, jo robia to na stole,
wiycie, wywałkuja sie cieńkie takie blaty, blaty, wiycie, co to sie, to som takie cieńkie kawałki dość wielkie tego makarounu tych nudli. Potym jak to wyschnie, musza to wziąś i pokroić, pokroć, jak pokrajecie na cieńkie ,po prostu sie to nazywajo nudle, potym wrazicie do do zu... do wody i uwarzycie, za chwileczka łodcedzicie, przelejecie to jeszcze zimnoum
wodoum i zostawicie to na tym durszlaku, a
tyn durszlak to je cedzitko. A cedzitko no to jest durszlak, wiycie takie jest z dziurkami, takie sitko, o. Potym to już mocie zupa gotowo, o. Wiycie, już,
już jom mocie postawionom.
Potym weznymy sie za robiynie drugiego danio. Wiycie u nos to tak: noprzód trza kartofle
łostrugać, uwarzić, potym przez maszynka przemielić i zostawidź je aż wystygnoum. Potym jag już beydom kartofle gotowe, dowomy sie za kapusta, no ale
w niedziela to musi być
richtich kapusta czerwouno, abo
inacy modro, a różnie to godajóm, roz godajóm modro, roz czerwono, ale ta kapusta to tyż mo swój rytuał, musicie noprzód jom pokroć, poszatkować, inaczyj sie to godo, jag już jom pokrojecie, wrazicie do gorcka, zalejecie wodom, postawicie na palnik i niech sie warzi, troszeycka, ale żeby sie nie
przewarzyła, jag już beydzie uwarzono,
łodcedzemy to, jag wiecie łodcedzymy, to znaczy woda
ślejemy. Potym w
tyglicku muszymy zrobić tak, pokroć piyknie cebulka, zeszklić jom fajnie i łodstawić. W drugim tygliczku pokroć piyknie boczek weyndzouny wiecie, a to wonio na cało
chałpa. Jak to sie wszystko poskwarzy, poskwarzy, wszystko
dowómy razem do tej kapusteczki, tam jeszcze dowómy troszyczka cukru, dowómy troszyczka soli, dowómy łoctu trocha, wiycie, że łocet to dowo potym fajny kolor, wszystko wymieszomy, dowomy zaź na palnik, żeby to tak przeszło i
zaź łodstawiamy, to już co momy? Zupa, kartofle uwarzone i kapusta zrobiono, no jeszcze tera wiycie muszymy sie zrobić te rolady.
 
« poprzedni artykuł   następny artykuł »
 
 
 
 

 

 

ISBN: 978-83-62844-10-4 © by Authors. Zrealizowano ze środków Ministra Kultury i Dziedzictwa Narodowego (Program Operacyjny: „Dziedzictwo kulturowe / Kultura ludowa”). Wykonanie: ITKS